海南島-三亞 Day 1

2012年8月9號，天清氣朗的日子，我們出發往海南島三亞去尋找陽光與海灘了～ 上機前先影張相 只需要個半鐘頭機程，話咁快就去到三亞。落機後乘搭酒店專車，轉眼就到我地今次入住的三亞君瀾渡假酒店。 入到房間，嘩！真係好大間房，好大張床呀 呢個係浴室，好open，又好有特色 露台有個大浴缸，正！過兩晚就响露台出浴 🙂 從浴室望返出去 安頓好就周圍行下，睇下間酒店。大門停泊著的超長車。 酒店內的荷花池 從花園望向大堂 搭過酒店的免費穿梭巴士就來到三亞的步行街 步行街裡面賣貝殼首飾的長廊。其實o個度冇咩好行，都係一d舖頭，賣下衫褲咁。 好快就o黎到下一站﹣春園海鮮廣場，三亞食平海鮮的好地方。入面有好多排檔幫你加工煮海鮮。 一入到去d waiter真係好鬼熱情，捉住你係咁叫你幫襯。 當你揀定一檔之後，waitress 姐姐就會帶你去揀海鮮。 揀完之後，排檔就會幫你加工煮野食喇。 第一味是炒蜆，都幾夠鑊氣，幾好味 加碟菜 仲有帶子。雖然五蚊隻好平，但係其實好細隻。 海膽蒸蛋。賣相幾好，可惜海膽唔係好夠味，比較可惜。 最後係象拔蚌仔仔，唔太特別，都ok 加工收費表。五碟餸加個飯都係收四十幾蚊，其實都幾平。連埋料百幾蚊，賣單好似都係兩舊水左右。 晚上返到酒店就係床上試食時間。 左上角的墨魚有點韌，少少辣，幾好味 右上角的椰絲軟糖幾特別，出面椰絲，入面軟軟地，口感唔錯 左下角是椰子脆餅，冇乜特別 右下角是超襟食椰子糖，一粒可以嗒足半個鐘。要24小時不停食先可以食晒成包。 房內有得免費有線上網。這張就是我的工作枱，放假都要做野，好慘。。。 房間外面是有很多蚊的，剛剛就消滅了一隻。去到一定要點蚊香（酒店有提供） 話咁快就過咗一日，晚上好好休息，明天要遠征天涯海角。 更多的相片在 海南島-三亞 Day1 相簿 下一篇: 海南島-三亞 Day 2